Wieder liig ich uff em Schraage.
Was würd der Doggter FMH dezue saage?
Nei, er sell das nit vernäh,
gsichert wäri e Bangg mit viel Schmääh.
Die Art vo Therapie tuet mir rächt guet,
dr Therapeut macht mer au viel Muet.
Bald könn ich wiider umegumpe,
vorbii denn das schreege Humple.
Vor Johre zwäimol die rächti Färse operiert,
die linggi Körpersite het lang kompensiert.
Gärn saag ich de Verschpannige good bye,
Hoff fescht uf schööni nöi Bei.
Wohlig sanft isch die Therapie,
sie schiint sehr eifach z’sii,
duet nit uf Pharma und Pille baue,
schänggt de eigene Körperkräft s’Vertraue.
9. Februar 2021