Jurabäärg

J

In Nunninge diffig us em Buss,
Schneeschueh a und Pulli wägg.
Dr Hügel uff mit wenig Schuss,
fascht überhängend isch dr Wääg.

Uf Schnee, Iis und gläine Stäi
sind gmietlig unseri Schritt,
“wie lang no?” frooge unseri Bäi,
im Flache oobe acho isch e Hit.

Offe und windig isch es uf em Nunningerbäärg,
sunnig und warm drfüür uf em Stierebäärg.
Zrugg gohts süüferli uf blankem Iis,
e Fuudilandig wär käi tolle Briis.

In Brätzwil warte mir uf e Buss,
gnüsslich zieht e Frau am digge Stumpe.
Vor Breitebach holt s’Poschtauto viel Schuss,
dä Tag het sich wiirgglig nit lo lumpe.

15. Februar 2021

Kommentar schreiben